九記食品廠係本地工廠，賣魚蛋同丸類，有近 60 年歷史，做開批發生意，而家轉型做零售，仲開埋網店。轉型原因係 「疫情影響很大 (批發生意下跌四成)，特別是沒有遊客來香港。旺區小食店都結業，現在只有屋邨小店才撐得住，生意額下跌了很多。」老闆李生說，轉型原因好實際。做零售唔同做批發，李生從頭學起，網店由最初幾百蚊生意一日，做到而家有幾千蚊。

睇完篇訪問，發覺疫情下，批發轉做零售，係好自然嘅事，亦係大勢所趨 – 個個逗留家中，上網買嘢，而政府又有資助計劃搞網店。喺有市場又有資助下，批發商搞零售網店自然不過。

李生又話，網店無宣傳過，但生意都節節上升，最緊要產品好。

好產品，為品牌帶嚟口碑，吸新客同 keep 客，重要性毋庸置疑。問題係，如果你公司無九記咁耐歷史，無人報導過你，又無實體 sales channel， 大眾又點知你存在呢?

要刷存在感，最簡單嘅方法係賣廣告。流行嘅線上廣告 Facebook Google，其人工智能發展已相當成熟，可以準確投放廣告俾目標客群。如果網店嘅產品 OK，用 Facebook Google 宣傳網店， 正常都有生意返。

如果好似李生咁，一直做批發，對網店零售無咩認識，最好係搵間有經驗同信得過嘅 agency 幫手搞網店、宣傳同包裝，免卻麻煩，同浪費不必要嘅時間。

九記食品廠訪問