何詩蓓接受 Vogue 訪問時說「心裏最大願望是宣揚運動理念」，想起 Decathlon 的品牌理念是「全民運動」，覺得佢都幾啱做 Decathlon 代言人。

今屆奧運，香港隊奪得一金、兩銀、三銅，史無前例咁好成績，單人劍擊、游水、空手道、場地單車掂，團體乒乓波又得，單挑勁，群戰又勁，身為香港人深感自豪和光榮。

七位奬牌選手賽後各有感想，但佢哋都表示，比賽時無諗太多，專注自己，張家朗「一劍一劍追返比分」，何詩蓓「 一下一下游出個人最佳時間」，蘇慧音「 一分一分打贏對手」，劉慕裳就「做好準備，把握機會」，李慧詩「愛自己，豁出去比賽」。

運動員贏，我哋固然興奮同驕傲，而佢哋嘅賽後感想亦很鼓舞，「唔放棄」「沉著應戰」的高級心理質素，正面影響唔少人。 何詩蓓話希望自己嘅好成績推動到香港運動員繼續加油，好成績加上講嘢得體，詩蓓奧運攞牌變得意義深遠，深遠到只能用「好勁」嚟概括。

咁勁嘅運動員，希望 Decathlon 唔好走寶，拍住一齊推動全港運動，鍛鍊身體，並培養高質素嘅正面 mindset。