上次講到 Atome Livi Bank 一齊用會產生協同效應，創造連續三個月被動收入，每月高達 $800 的現金回贈。但如果少上網買嘢，享用唔到回贈，都唔關我事啦。

享用唔到回贈係有啲可惜嘅，成 8% 回贈，聽到都嘩一聲。但除咗嘩一聲的回贈，Livi Bank 仲會送嘩一聲的開戶現金和 yuu 分。

開戶現金奬：＄200

yuu 分：20,000 (等同 $100 價值）

$200 現金仲未用，因為唔知點 leverage，諗緊好無轉走佢買虛擬 token WXT，定轉去 Welab Bank 做定期，賺 1% 利息。而 2萬 yuu 分就用緊，都幾好玩。

本身對 yuu 的感覺係林子祥唱「懷UU」，無用開，但無端端有分，仲要 2 萬分，好多咁，就試下用。（當知道儲開 yuu 分人士一分分儲，家陣先得幾百分，我笑而不語。）

yuu 分可於指定商戶換產品、支付部份貨款、換現金劵。

用了1300分 (等同 $5 價值）喺東海堂換 $9 法國忌廉包；1500分 (等同 $7 價值）買5張 KFC 牛乳雪糕 coupon，換雪糕時要俾多 $1，雪糕本身 $6 個。食開嘅 KFC m3 無 YUU coupon，就用 4000分 換20蚊現金劵補錢買， m3 價錢為 $48.5，會俾返 48yuu 分， 洗 4000 yuu分有 48分 point back，成1.2%，都唔錯。

Atome，Livi Bank，Yuu 的體驗都幾好玩，開銀行戶口獲免費資本，用嚟創造被動收入，換面包食，平價買雪糕。唔知呢種好玩嘅經濟模式，能否喺香港普及呢？

註：要獲開戶現金和yuu分，開戶時要輸入邀請碼，可到 moneyhero 找找。