網店買嘢，見到有個叫 Atome 嘅免息分期付款方式，分 3 期付款，我件貨 $159 都可分期，每期 $53。開咗 Atome 戶口，掛 Visa debit 咭，付第一期款項 $53，網店就會出貨。

諗，如果我唔俾之後兩期，咁會點呢？貨都到手咯，唔俾都吹我唔脹。加上我嗰張係 debit 咭，只要控制到入面無錢或唔夠錢，佢就扣唔到數，超著數，隨時三折買嘢。

睇返 Atome 條款，佢哋會咁處理欠款：

"如果您錯過了預定的付款時間，則您的帳戶將被暫停，直到未支付的款項被支付為止。 重新激活您的帳戶需要支付100港元的管理費用。"

諗，停咪停囉，我都攞咗件貨，仲賺埋兩期錢，Atome 又唔會採取法律行動。損失個戶口，我賺貨又賺錢兼無人追究，超著數。

由於太著數，我有啲唔明 Atome 的諗法，唔驚客賴賬咁，好大膽。

睇返網店，原來使用 Atome 付款只限香港顧客，諗，其實好似我咁諗賴賬嘅香港人多唔多呢？諗完後行動的人又多唔多呢？

香港係個富裕社會，普通白領的人工同英國差唔多，仲要唔駛交重稅，好多錢消費。而香港人循規蹈舉，社會運動時攞嘢飲無人收錢，佢哋都會主動擺低錢。財力雄厚，加上老實，相信係 Atome 開著數付款方式俾香港顧客的原因。

由於 Atome 對香港人有信心唔賴賬，我都入定啲錢落 debit 咭，避免扣唔到數，算係感謝 Atome 的信任。