上次講到 Atome 分期付款好著數，其實除咗使用免息分期，減輕付費壓力，仲有無方法用盡 Atome，leverage佢，獲得更大著數呢？

有！呢個方法，最多可以為你帶嚟 $2400！現金！

Livi Bank 推出 8% 現金回贈，用佢張 Master Debit 線上線下嘟錢，就有錢回贈，每月最多回贈 $800。$800 入面，$500 屬於 1% 回贈，$300 屬於 7% 回贈。呢個荀價回贈，推廣期為 6月1日 至 8月31日，啱啱 3 個月，咁啱 Atome 又係分 3 個月收錢，如果上網使用 Livi Master 俾錢，再用 Atome 分期，每個月就自動有錢碌入嚟，諗起都開心。

去 Ztore 買嘢食 $1000，去 Citylink 買電話 $5,000，去實惠買梳化 $5,000，全部 Atome 分期，再以 Livi Debit 俾錢，每個月就回錢 $292.66，連續三個月！錢雖然食餐好少少都用晒，但話晒被動收入，都幾好 feel 㗎。

今日都 8月16日了，荀價回贈即將結束，你有無大額消費攞到 3位數字回贈呢？如果無，勸你都係唔好申請 Livi 住，佢申請過程較其他 digital bank 麻煩，影張身份證影咗我成晚都唔得，留返個無戶身份，等佢下次有荀推廣再用吧。