呢兩個 Facebook Page 都幾有創意，無論文字定圖片。一個 Page 講解保險知識，一個就賣鼓油。

保險知識：https://www.facebook.com/KoiSaiPoKam

賣鼓油：https://www.facebook.com/yuetwo1945hk

雖然都係有創意，但佢哋又好唔同，保險知識得意得嚟咬文嚼字，賣鼓油就用粗俗字眼講笑。

保險知識出過個 Po 講，供保險要供到尾先值得，佢哋用跑馬拉松嚟做比喻，村上春樹做引子，又型又有文化。圖片設計就以心齋橋固力果跑跑人為主體，親切得嚟貼題，成個 Po 好得意。

至於賣鼓油 FB Po，佢哋推廣芫茜鼓油，就不停運用「茜」呢個字，「茜」係粗口諧音。順應現時粗口文化，用粗口諧音甚至粗口嚟推廣產品，有一定作用，唔少觀眾覺得得意，笑笑下傳開去。

創作宣傳內容，用保險知識嗰種有內涵嘅幽默，定賣鼓油嗰種有味笑話好呢？其實都可以，視乎你想自己嘅品牌俾人咩感覺。

再簡單啲，賣產品其實係做生意，做生意主要係追求利潤，邊種宣傳內容帶嚟嘅利潤好啲，就用嗰種，都唔駛諗咁多。